Samleikin á geyma
Um stutta tíð skulu allar Windows teldur, ið brúka Samleikan á geyma, taka eitt nýtt forrit niður at brúka Samleikan við.
Kunning og vegleiðing verður at finna her á síðuni, tá ið broytingin skal gerast. Brúkarar við geymanum fáa beinleiðis boð.
20. februar varð teldubræv sent til øll, ið brúka Samleikan á geyma.
Tú kanst lesa teldubrævið niðanfyri:
Góðan dag
Vit senda tær hendan teldupost, tí tú brúkar Samleikan á geyma.
Um fáar dagar skulu øll, sum brúka Samleika-geyman á Windowsteldu, taka eitt nýtt forrit niður á telduna fyri at kunna brúka Samleikan á geyma.
Hevur tú Apple-teldu ella annað enn Windows, nýtist tær ikki at gera nakað.
Hvat broytist?
Forritið, Nexus Smart ID, fer úr gildi. Farið verður undir at brúka eitt nýtt forrit, sum skal leggjast á tær teldur, ið brúka Samleikan á geyma.
Um tú ikki skiftir forritið, fert tú ikki at kunna brúka geyman til at rita inn á tær tænastur, ið brúka Samleikan, t.d. netbankan ella Vangan.
Nær verður broytingin?
Seinni í hesum mánaðinum senda vit tær ein teldupost við vegleiðing og leinki til nýggja forritið. Tá skalt tú gera broytingina.
Hvat skalt tú gera?
- Beint nú skalt tú einki gera.
- Vit senda tær ein teldupost um nakrar dagar.
- Í teldupostinum verður ein vegleiðing, sum tú skalt fylgja fyri at fáa nýggja forritið.
Til vit senda tær teldupostin, kanst tú brúka Samleikan á geyma, sum vanligt. Á www.samleikin.fo/geymi fara vit at leggja kunning og vegleiðingar út um broytingina.
Broytingin fær onga ávirkan á Samleikan á telefon og teldil, og tú kanst framhaldandi rita inn og skriva undir tann vegin.
Vinaliga heilsan
Talgildu Føroyar
1881@talgildu.fo
Tlf. 1881
Vit svara yrkadagar millum kl. 8 og 16.30
Vegleiðingar tá ið broytingin kemur í gildi
Á telduni, sum tú brúkar geyman á, skalt tú:
- Far í leititeigin niðast á skerinum og leita eftir Smart ID Desktop App
- Vel Fjern/Uninstall í valmyndini til høgru
- Vátta at forritið skal strikast við at trýsta á Fjern/Uninstall aftur
Tú hevur nú strikað gamla forritið av telduni, og tað er klárt at taka nýggja forritið niður.
Í leinkinum niðanfyri kanst tú taka forritið niður, sum tú skalt leggja á telduna.
Minst til at kanna, um tú hevur Windows, Mac ella annað slag av teldu.
- Skriva Stifinder/File Explorer í leititeigin niðast á skerminum og vel Åbn/Open
- Vel Overførsler/Downloads í valskránni til vinstru
- Dupultklikka á forritið Smart ID Desktop App 2.1.3.msi
- Forritið verður lagt á telduna og skermmyndin letur avtur av sær sjálvum, tá ið tað er liðugt. Tað kann taka nakrar minuttir.
Samleikin á geyma er nú klárur at brúka á hesi telduni.
Gev gætur tú mást hava Smart ID Desktop forritið á teimum teldum, ið tú brúkar geyman á.
Um tu´ivast, hvørja útgávu tuú hevur á telduni, ber til at kanna tað.
- Skriva Smart ID Desktop App í leititeigin niðast á skerminum.
- Lat forritið upp við at trýsta á Åbn/Open til høgru.
- Tá forritið hevur latið upp, skalt tú trýsta á tannhjólið niðast í vinstra horni og vel síðan About
Nýggja útgávan av Smart ID Desktop forrtinum skal eita 2.1.3.828
Um tú ikki fert undir at brúka nýggja forritið til Samleikan á geyma, kanst tú ikki brúka Samleikan til at rita inn á t.d. netbankan ella Vangan.
Gamla forritið er farið úr gildi, og tú mást brúka nýggja forritið.
