Ferðast tryggari á netinum

– kunningarátak hjá føroyskum bankum, stovnum og fyritøkum ímóti snýti á netinum

Møta vit ókunnufólki á gøtuni, geva vit tí ikki visakortið hjá okkum sum tað fyrsta. Sama á netinum. Vit sveipa um gluggar og vangar, og spyr onkur fremmandur eftir visakortinum hjá okkum, siga vit nei. Vit brúka okkara góða vit og skil og lata okkum ikki lumpa.

Snýt á netinum er ein vaksandi trupulleiki

Tað kann raka okkum øll og taka okkum fíggjarliga og menniskjaliga av fótum.

Saman varpa Talgildu Føroyar, TAKS, Nema, Føroya Tele, Føroya Banki, Betri Banki, Norðoya Sparikassi og Suðuroyar Sparikassi nú ljós á støðuna.

Tú ert týdningarmikil. Tí trygdin byrjar hjá tær og hjá okkum okkum. Á teldum og telefonum, úti sum heima í stovu, er tað altavgerandi, at vit hugsa okkum um og ansa eftir.

Trý góð ráð

- Lat teg ikki yvirtala

Legg hornið á. Trýst ikki á ókend leinki. Lít ikki á, at SMS-boð, uppringingar ella teldupostar veruliga eru frá tí persóni, sendarin sigur seg vera.

- Lat ongum tíni loyniorð

Tað er umráðandi, at tú ikki gevur øðrum tíni loyniorð. Loyniorð eru privat.

- Hugsa teg um og les gjølla

Steðga á, les gjølla og vís varsemi, áðrenn tú trýstir á leinki, og áðrenn tú góðkennir ella rindar fyri eitthvørt.